डॉ. गजाधर महतो प्रभाकर गुरुजी के जनमदिनेक हियाखलास बधाई!

जनम दिनेक हियाखलास बधाई!!
संदीप कुमार

डॉ. गजाधर महतो प्रभाकर कर जनम 11 फरवरी 1952 में राँची जिलाक साहेदा (सिल्ली) गाँवे एगो किसान परिवारे हेल हे। इनखर बापेक नाम जगन्नाथ महतो आर मायेक नाम लाखो देवी हे। छउवा पहर से मामू घार गाँव उसरा (रामगढ़) में रइह के पढ़ाय करल हथ। 1968 में मेट्रिक लारी हाई स्कूल से आर 1974 में बी. ए. रामगढ़ कॉलेज से, 1976 में बी.एड. हजारीबाग से एम. ए. 1982 में आर पीएच. डी. 1990 में करल हथ। 'खोरठा लोककथाः विषय और विश्लेषण' शीर्षक पर शोध ग्रंथ लिइख के (खोरठा में पहिल) पीएच.डी. कर डिग्री 1990 में पावल हथ।

कृत्ति : पुटुसफूल (खोरठा कहनीक गोछ-1988), मरीचिका (लघुकथा संग्रह 1988) हिन्दी व्याकरण (1995), आब ना रहा पटाइल (खोरठा कविता संग्रह) खोरठा लेख (रेड़ियो प्रसारित लेख), खोरठा लोककथाक नेवरा, गाँधी मानस, समय की पुकार (हिन्दी कविता संग्रह), सतवइ माय (खोरठा नाटक), आठ कलास से लेइके स्नातकोत्तर कक्षा तक कर आर जेएसएससी, जेपीएससी प्रतियोगिता परीक्षाक गाइड सह छात्रोपयागी किताब लिखो हथ।

प्रमुख कृतियाँ : खोरठा भाषा व्याकरण, खोरठा लोक साहित्य सार, खोरठा भाषा विज्ञान, खोरठा भाषा शिक्षण, खोरठा साहित्यिक निबंध, साहित्य सिद्धान्त है।

सम्पादन : भरकुंडा से प्रकाशित राष्ट्र स्तरीय 'शांख' त्रैमासिक पत्रिका (1983 से 84 तक पाँच अंक) कर सह सम्पादन हलथ। खोरठाक किताब में 'दु डाइर परास फूल' (9वाँ), दु डाइर करंज फूल (8वाँ), खोरठा की प्रतिनिधि कहानियाँ, खोरठा साहित्य की अन्य विधाएँ, केंवराक गमक (खोरठा कविताक झोंपा) कर सम्पादन करल हथ।
समाज सेवा : महात्मा गाँधी उच्च विद्यालय भुरकुण्डा में पढ़ावक पहर वित्तरहित माध्यमिक शिक्षक कर हित खातिर संगठन 'झारखंड मायमिक शिक्षक मोर्चा कर गठन कइर महासचिव रूपे कइगो सफलताउ देल रहथ। 28 फरवरी 2012 में रिटाइर हेल बादे बिरसा मुंडा इंटर कॉलेज रामगढ़ में प्राचार्य रूपे सेवा देइ रहल हथ। एखन ए' ला एंगलाइज स्कूल भुरकुंडा कर सचिव आर झारखंड राष्ट्रभाषा परिषद् कर महासचिव पदे काम कइर रहल हथ।
सम्मान : 2019 में बोकारो खोरठा कमिटी बाठे से खोरठा रत्न कर सम्मान आर शांतिधारा फाउन्डेशन, रामगढ़ कैंट बाठे से 2022 में सम्मान पत्र मिलल हे।
विशेष : अमित कुमार करमाली 'डॉ. गजाधर महतो प्रभाकरः व्यक्तित्व एवं साहित्य' शीर्षक पर पीएच. डी. खातिर शोध कइर रहल हथ।