खोरठा लोकगीत

1. परिचय:- 

• लोकगीत दू सबदेक मेल से बनल हे लोक आर गीत।

• लोकगीत लोक रचित आर लोकेक खातिर रचल गीत के लोकगीत कहल जाहे । 

• देखल जाय त खोरठा लोक साहित ही एकर सिष्ट साहित कर जनक हे । 

• खोरठा लोकगीत ही खोरठा छेतर कर पहचान लागे ।

  2. परिभासा :- 

लोकगीतेक परिभासा भिनु भिनु विदुवान सभे आपन आपन मत आर बिचार देल हथ - 

• राल्फ विलियन्स कर मते खोरठा में - "लोकगीत ना पुरना हेवहे आर ना नावा । ई त ऊ जंगली गाछ नीयर हेव हे जकर जइर अतीतेक गहराइ में घुसल रहेहे मेंतुक ओकर डाइरें रोज नावां पतइ फूल आर फर आव हइ। 

• परसिध्द लोक साहित्यकार श्री सुर्यकरण पारीक कर विचार - "आदिम मनुष्य हृदय के गानों का नाम लोकगीत है।"

3. खोरठा लोकगीतेक बिसेसता 

• खोरठा लोकगीत खोरठा भासा भासीक एगो जिनगीक आधार लागे , लोक दिन राइत खेते गठे काम कइर के आवो हथ आर आपन थकान मिटवे खातिर लोकगीत गावो हथ । 

• एकर में अश्लीलताक अभाव रहे हे संगें परकिरतिक भिनु भिनु छटा देखे मिले हे। 

• ई बेयाकरन आर भासा बिगियान से छुट रहे हे। 

• खोरठा लोकगीत हियांक परब तिहारेक मुइख आधार हे । 

 4.   खोरठा लोकगीतेक बाँटा-खुँटा

डॉ. गजाधर महतो प्रभाकर जीक मते खोरठा लोकगीतेक बाँटा-खुँटा ई नीयर हे - 

•  संस्कार गीत 

• करम परबेक गीत 

• सोहराइ परबेक गीत 

• बॉउड़ी परबेक गीत 

• बारह मसीया गीत 

शिवनाथ प्रमाणिक जीक मते - संस्कार संबंधी,ऋतु संबंधी, प्रकृति विषयक, पर्व-त्यौहार संबंधी, व्रत संबंधी ,सहियारी (मित्रता) संबंधी आर विविध । 

5. (क) संस्कार गीत 

ई गीतेक भीतरे जनम आर बिहाक मइधे जते नेग - जोग हे, तते गीत पावल जाहे। 

एगो बिदाइ गीत देखल जाक - 

 बापा कांदे घरे बइसी

मइया कांदे दूलाइरे बइसी

अबे बेटी...... 

6 . (ख) परबेक  गीत 

झारखण्डे खोरठा छेतरें  करम सोहराइ कर बड़ा माइन हे । हिञा जते परब तते गीत गावल जाहे। खोरठा छेतरें ई गाइ गोरूक परब कांहु कारतिक मासे त कांहु पुस मासे मनवल जाहे । सोहराइ गीत देखल जाक - 

ओही रे , खोजा-खोजइते गेलीये पुछा-पुछइते गेलीये रे 

बाबु हो , कोंदे हइ जे अहिरा के घरा हो 

कारी गइया ...... 

7. (ग) रीझ रंगेक गीत : 

खोरठा छेतरें रिझ-रंगेक एगो अलगे ठांव दियल गेल हे। ई कोन्हो हुब - हुलासेक, परब-तिहार बा बिसेस अवसरे गावल जाहे एकरा सिंगारिक गीतों कहल गेल हे।

आवा एगो रिझ - रंगेक गीत देखब -

फूले साजल अंगना हांथे सोभइ कंगना 

रसें रे रसें पिया नाइच उठल मनवाँ 

रसें रे रसें ....... 

8. (घ) उदासी गीत :- 

उधवा / उदासी / आसाढ़ी गीत , ई खाइस कइर के वियोग सिंगारेक गीत लागे । आवा एगो उदासी गीत देखल जाइ :- 

कहां से आइल भंउरा, कहां चली गेल रे 

अरे भंउरा कहां काटले निसी राइत रे 

भोरे झरलइ .....  

9. (ङ) कामेक गीत :- 

 झारखंडेक मुइख पुंजी हे काम । लोक आपन में खेत- बारी काम करइते किसानी गीत गाव हथ । एकर में रोपनी कटनी गीतें सामिल हे । जे ई नीयर एगो गीत देखल जाइ पारे -  

टांड़ी बुनबइ दाना , खेते रोपबइ धाना एहो 

दुइब धाने धरती सोहान, हम बनब किसान 

अन पानी जीवेकेरी जान ...... 

(च) विविध गीत : खोरठा लोकगीतें विविध लोकगीत पावाइल जाहे , जे नीयर - सिक्छा , नसाबंदी, झूला गीत , बांदर खेलवा आर छउवा गीत । पटतइर रूपे एगो सिक्छा  गीत देखल जाक -  

पिया पढ़े नाञ छोड़िहा 

झलफले उठी खनी 

नीम दोतइन लोटे पानी.... 

10. सारांश  :  

ई नियर कहल जाइ पारे की जे कोन्हों हुब हुलास, बिहा-सादी , छठी,परब- तिहार, करम ,सोहराइ बंउड़ी जातरा बा कोन्हों सुख दुखेक बेराञ कंठ ले आपन आपरूपी गीत बहराइ जाहे । एतने नाञ लोक जखन कामेक पहर बा काम कइर के थकल खातीर लोक गोठाइ के गीत झुमइर गाइ के आपन थकान के मेटवे हथ । आर ई अइसने पीढ़ी दर पीढ़ी चलइत रहे हे । एकर संरक्षण आर संवर्धन करेक जउरत हे काहे की लोकगीतेक महातम लोक जिनगीयें ढांगा ओसाइर हइ।  

 

संदीप कुमार